සංවිචාරණිය සමාජයක් - A deliberative Society

හුදු බලය අත්පත්කර ගැනීමේ පැරණි දේශපාලනය වෙනුවට යුක්තිය අත්පත් කර ගැනීම අරමුණ කරගත් නව දේශපාලනයක් බිහි කිරීම සහ ආත්මාර්ථකාමය හා ස්වාමිත්වකාමය වෙනුවට සහයෝගිතාව සහ තිරසාරත්වය පදනම් කරගත් සහරක්ෂණීය ආර්ථික එඹුමක් හඳුන්වාදීමේ අවශ්‍යතාව මේ කෘතියෙන් අවධාරණය කරයි. පවතින දේශපාලනයේ සහ ආර්ථික ඒළඹුමේ ඒවැනි සුසමාදර්ශීය වෙනසක් ඇතිවීමට නම් දැනුවත් සංවිචාරණීය මහජන සහභාගිත්වයට නිරන්තරව ඉඩ සලසන දේශපාලන තන්ත්‍රයක් සහ මගින් බිහිකිරීමට බලාපොරොත්තුවන ජන සමාජයේ ස්වභාවය පිළිබඳ ප‌ොදු කඟතාවක් ඇතිකරගත යුතුය. බලය අත්පත් කරගැනීමට විකල්ප වූ 'යුක්තිය ඉටුකර ගැනීමේ' සංවිචාරණීය දේශපාලන ක්‍රියාකාරීත්වයක් සහ නාස්තිකාරී රේඛීය ආර්ථිකය වෙනුවට පුනර්ජනනීය චක්‍රීය ආර්ථිකයක් ගොඩ නැගිය හැකි ආකාරය පිළිබඳ මුඛ්‍ය අදහස් පද්ධතියක් ඉස්මතු කර ගැනීමට දායක වීම මේ කෘතියේ අරමුණයි.